Basque Recordings

1- Zuk ume horri dirua eman zeniezaiokeen.
2- Irakasleek haiei erlojuak opari ziezazkieketen.
3- Anttonek niri eskutitz bat idatz ziezadakeen.
4- Iñakik zuri sagarra eman ziezazukeen.
5- Nik hari berehala baloia itzul niezaiokeen.
6- Zuek ezin zeniezaioketen hura Enekori eman.
7- Xabierrek Iñakiri ostikoa eman ziezaiokeen.
8- Haiek niri liburua itzul ziezadaketen.
9- Aitonak bilobei opariak bana ziezazkiekeen.
10- Medikuak niri belarriko mina azkar ken ziezadakeen.
11- Zuk guri auto hau Donostiara eraman zeniezagukeen.
12- Guk zuri arkatza ken geniezazukeen.

1- Hik, Miren, hanka jaso hezakeen.
2- Lagunek lana egin zezaketen.
3- Hark ni erraz jipoi nintzakeen.
4- Aitak zu erraz zigor zintzakeen
5- Xabierrek ezin lor zezakeen erlojua.
6- Zuk ezin irabaz zenezakeen txapelketa.
7- Nork salba nintzakeen ni ?
8- Amak Jon jasan zezakeen.
9- Nik hi etxera eraman hintzakedan.
10- Zuek ni jo nintzakezuen.
11- Guk pilota eskuz jo genezakeen.
12- Nik zuek busti zintzaketedan.

1. Ni tabernako mutilari hurrera nakioke bakarrik geratzean.
2. Gu irakasleari nekez erruki gakizkioke.
3. Miren eta Xabat bizilagunei erraz hurbil dakizkieke.
4. Hi hari abestera joan hakioke Gabon-gauean.
5. Perretxiko saltzailea Anttoni hurbil dakioke salneurria negoziatzeko xedez.
6. Zu amonari bisitan joan zakizkioke.
7. Oinatz eta Iraitz aitonari gertura dakizkioke diru apur bat eskatzeko asmoz.
8. Arazo pertsonal hauek zuei berehala konpon dakizkizueke saiatzen bazarete.
9. Sugeari euria lagungarri gerta dakioke.
10. Ikerlari famatu hori ikasleei etor dakieke bere lanen berri ematera.
11. Irakaslea guri hurbil dakiguke egindako lanaren berri emateko.
12. Olentzero poz-pozik gertura dakieke Euskal Herriko umeei.

1. Nik zuei baloia ekar niezazuen nahi zenuten.
2. Guk zuri liburua eros geniezazun eskatu zenigun.
3. Nik zuri sagarrak eman niezazkizun uzta bildu arte itxaron beharko zenuen.
4. Guk zuei aulkia altxa geniezazuen eskatu genizuen.
5. Zuk guri mahai berriak ordain zeniezazkigun itxaroten ari ginen.
6. Lagunek niri bideo jokoa utz ziezadaten eskatu nien.
7. Zuk niri pokerrean irabaz zeniezadan asko ikasi beharko zenuen.
8. Guk lehengusuei opariak eman geniezazkien joan ginen beraien etxera.
9. Nik zuei portatilak eros niezazkizuen nahi zenuten.
10. Ikaskideek niri liburuak ekar ziezazkidaten gomendatu nien arazorik ez izateko.

Neguko arratsalde hotz batean,telebista piztu nuenean ikusi zintudan, zure txisteak, zure irribarre bihurra kutsatu ninduen , eta memento horretatik zure irribarreak harrapatu nau.
Zu,niretzat, nire benetako aingeru txikia izan zinen, zu izango zara nire istorioaren iratxoa,nire benetako erraldoi txikia, ez telebistako saio horretan agertzen diren bezala.
Bizitza honen bidegurutzean topatu zintudan eta ez dakit zu berriro ikusiko zaitudan
Emakume horrek eta beste txorimalo horrek ez dute zure baitan dagoen zulo handi hori estaliko.Haiek zure bizitza hondatu zuten ,zure samurtasuna zaindu beharrean .Madarikazio handi batek zapalduko ditu haien bizitzak, eta zuri egin zizutena odolaz ordainduko dute.
Zure askazia galduko da herri honetako biztanleen artean, baina zuk eman zenizkidan memento bereziak inork ez dizkit inoiz kenduko, inola ere ez!
Zenbat jendek niri gertatu zaidana eta zure istorioa ezagutuko ditu ,hainbat pertsonak zure samurtasuna goretsiko dute eta mundu honetako arrazek eta nazio guztiek zure alaitasuna ikusiko dute! Zin degizut! Badakit zeruan Jaungoiko ahalguztidun bat dagoela, eta Jainko horrek, nik eman ahal ez nizkizun gauzak emango dizkizu, ziur nago.
Belarrimotz honek beti maitatuko zaitu, gogoan izan nire sagar txikia, nire bihotzean zuretzako leku bat badagoela .Agian, hiltzen naizenean zure izena oihukatuko dut, amestu zintudan egunean bezala.Espero dut zu berriro ikustea, zeruan izan daiteke.
Gure izar iheskorra unibertso honetan zehar ibiliko da, elkartzen gintuen izar horrek ,beti itxoingo du gu berriro ikusten gaituen egunean.
Beti gogoan izango zaitut nire sagar txikia ,nire baitan ere izango zara zu.Eskerrik asko bizitza emateagatik!!!!

1. Ez nuen nahi otso hegoamerikarra txerriari hurbil zekion.
2. Nahi al zenuten gero ni zuei zaintzera etor nenkizuen?
3. Zer eman behar genien petrikiloei guri lanera etor zekizkigun?
4. Gu zuri dantzan ibil genkizkizun nahi zenuen?
5. Ez zen erraza ni zuri arrautza frijitzera joan nenkizun.
6. Ez genian nahi hi horren triste etor henkigun guri.
7. Zohartzek ez zuen nahi gu berari hurbil genkizkion.
8. Dioniseko atezaina niri haserre zekidan nahi al zenuen?
9. Zegamako baserritarrek gu haiei egunero bisitatzera joan genkizkien nahi zuten.
10. Aizarnako apaizek ez zuten nahi horrelako zoritxarrik gerta zekien haiei.
11. Nor nahi zenuen joan zekion hari kontuak eskatzera?
12. Zirkuko pailazo horiei ikustaldi bat egitera joan zenkizkien eskatu nizun.

Bere gaitasunez eta lorpenez kontziente izateko, garrantzitsua da ongi egiten dituen gauzak aitortzea eta baloratzea, beti ere goraipamenetan erori gabe: “Gurasoon harrotasuna ez denez horren arabera aldatuko, berak hartu behar du kontzientzia ongi egin duenaz”. Emaitzari bakarrik ez erreparatzeko ohartarazi du Agirrek: “Askotan ahazten ditugu bidea bera edo egindako lorpentxoak eta jokabideak baloratzea. Goraipatzean, gu gurasook, haurrak egin duen zerbaitengatik nola sentitzen garen azpimarratzeko joera dugu. Are interesgarriagoa litzateke berarengan edo beste pertsonengan izan duen eragin positiboak azpimarratzea: hori egiten egon zaren bitartean jarrera lasaia edukitzeak egin beharrekoa arretaz burutzen lagundu dizu, edo Mireni zeregina nola egin azaldu zenion eta poz pozik dagoela dirudi…”

Eskolarekiko konfiantza eta ikuspegi kritikoa
Ebaluazioetan hasten dira arazoak eta horra mugatzen da begirada etxe askotan. Agirrek zera gomendatu digu: “Garrantzitsua da ebaluatzeko sistema ezberdinen inguruan gurasoek ikuspegi irekia edukitzea eta seme-alabei irekitasun hori transmititzea. Modu batean erlatibizatzea. Ebaluazio gehienek eredu bat hartzen dute, markatuta dagoena, eta ebaluatzen dutena da ea ikaslea eredu horretara hurbildu den edo ez. Seme-alabekin konpartitu daiteke zer den ebaluatzen dena, guk geuk badakigula nota horien irakurketa zabalagoa egiten”. Eta nola ez, gurasoak asko ikas dezake ebaluatuak izan direnei entzunda: “Gure seme-alabei eurek jaso duten nota horrekiko edo ebaluazioarekiko dituzten bizipenak entzutea garrantzitsua da. Eurek zer irakurketa egiten duten entzutea”. Gurasoek umeei entzunda beren irakurketa egiten dute, baina lehenik ikuspegi denak jaso behar direla ohartarazi du Arrietak: “Arriskua dago gurasoek beren irakurketa egiterakoan epaitzea edo zalantzan jartzea bai seme-alaba bera edo irakaslearen lana. Arrisku hori hartu aurretik, irakaslearen irakurketa jasotzea beharrezkoa da gure ikuspegia osatzeko”. Guraso eta irakasleen arteko errekonozimendua eta elkar-errespetua da oinarria: “Guraso moduan saihestu beharko genuke haurrarekin elkarrekintzan gaudenean irakasleen lana gutxiestea, ebaluazio eredu horren baliagarritasuna zalantzan jartzea. Horrek ez du esan nahi bat etorri behar dugunik, edo ezin dugunik ikuspegi ezberdinez hitz egin”. Ebaluazioaren gaineko gure ikuspegia zabaltzeko baliatu daitezke kurtso hasierako bilera eta urtean zeharreko guraso-tutore bilerak: haurrek landuko dituzten kontuak, egingo den ebaluazioa, izango dituzten etxerako lanen izaeraren berri izatea. Eta zalantzen aurrean, tutorearekin harremanetan jartzea.

Norberaren irudi positiboa eratzen lagundu
Autokontzeptua edo norberak bere buruaren gainean duen irudia urteen poderioz eraikitzen da, elkarrekintzan, norberarentzat esanguratsuak diren pertsonekin (familia, irakasleak, ikaskideak...). Auto-irudiak eragin nabaria du nortasunaren garapenean, ikaskuntza prozesuan eta norberaren eta besteekiko harremanetan. Autokontzeptu positiboari esker, ikasteko jarrera positiboagoa izaten da, autonomia, erabakiak hartu eta erantzukizunak onartzeko joera handiagoa (norberaren mugak argi izanik), frustrazioa onartzeko gaitasun garatuagoa, harreman positiboagoak eraikitzeko gaitasuna...

Agirrek ohartarazten du haurraren auto-irudiaren berri izateko baliatu dezakegula eskolari buruz kontatzen diguna, eta baita ebaluazio eta azterketen emaitzak ere: “Berak nola ‘irakurtzen ditu’ bere notak eta horren arabera bere buruaz zein irakurketa egiten du? Helburua zer esaten ari den eta nola sentitzen den ulertzea da. Epaitu gabe. Entzunaz”.

Hortik abiatuta lagundu ahalko dio gurasoak, bestelako mezuak eta erreferenteak eskainiz, bere auto-irudi hori modu positiboan eraikitzen.

Guraso denen nahia da euren seme-alabak aise molda daitezela eskolan, eta denen kezka da etxean zer jarrera eta jokabide hartu eskolarako joan-etorria xamurrago gerta dakien. Nerea Agirre Mondragon Unibertsitateko irakaslea da, HUHEZI fakultateko Ikaste-Irakaste gunekoa, eta pista batzuk eman dizkigu.

Ahalik eta eduki gehien pilatzeaz arduratzen zen eskola akademizistaren aurrean, egungo eskolaren helburua oinarrizko konpetentziak edo gaitasunak lantzea da. Agirrek konpetentziak giltzekin alderatu ditu: “Garbi eduki behar dugu eskolak bizitzarako oinarrizkoak diren giltzak eskaini beharko lituzkeela. Eskolak aldaketa prozesu batean daude, oraindik bide asko dago egiteko baina konpetentzien norabidean doaz, eta oraindik batzuetan eskolatik ematen den erantzuna ez da guztiz ideala. Gurasoek helburu horretan kokatuta egon behar dute, jakin behar dute hori dela eskolaren funtzioa”. Halako ibaien izenak gaizki idaztea edo zazpiko taula ez menperatzea baino ikuspegi zabalagoa eskatzen du, beraz: “Bizitzarako oinarrizko giltzak dira zoriontsu izateko, ikasten ikasteko, besteekin elkarbizitzeko, inguruarekin harremandu ahal izateko, modu autonomoan funtzionatu ahal izateko gaitasunak, besteak beste”.

“Ez du ikasteko balio”
“Balio al du ikasteko?” galdetu izan zen etxe askotan umeari ikasketak ordaindu edo zuzenean lanera bidali erabakitzeko. Oraindik guraso askoren sakoneko galdera hori da. Agirrek ikasle eredugarriaren irudia desegitea eta aniztasuna ospatzea aldarrikatu du: “Aniztasun handia dago pertsona guztion artean. Pertsona bakoitzak pentsatzeko, ekiteko, sortzeko modu ezberdinak ditugu. Guraso gisa aintzat hartu beharko genuke aniztasun handia dagoela ikaste-estiloetan, ikasteko-gaitasunetan, erritmoetan eta interes nahiz motibazioetan. Positiboena litzateke gure seme-alabak zentzu horretan ahalik eta ongien ezagutzea, pertsona bere osotasunean ikustea, bere gaitasun, jakin-min eta hutsuneekin. Horrela, hortik abiatuta lan egin ahal izango dugu”. Gainera, gaitasunak landu beharrekoak dira: “Oso arriskutsua da gaitasunekiko ikuskera estatikoa izatea. Pentsatzea gaitasunak aldaezinak direla, berezkoak, genetikoak... Momentu, ikaste-testuinguru eta modu aproposak topatuz gero gaitasun horiek garatu ditzakete pertsona denek. Berdin dio zer gaitasun mailaz ari garen; baita gaitasun batean hutsean bagaude ere, garatu daiteke. Eta pausoak denontzat dira berdinak: 0tik 1era garatzen duenak 7tik 8ra garatzen duenaren neurri bereko pausoa ematen du”.

Ahuldadeen aurrean zer
Pertsona denok ditugu landu beharreko alderdiak, eta umeek ere bai. Zer egin ebaluazioetan gordinen zaizkigun puntu horiekin? Agirrek denaren gainetik zer zaindu behar den azpimarratu digu: guraso eta umeen arteko lotura: “Garbi eduki behar dugu testuinguru jakin batean, eskolan, alderdi batzuei lotuta egin den ebaluazioa dela. Horrek ezin du inolaz baldintzatu guraso eta seme-alaben arteko harremana. Guraso eta umeek oso garbi eduki behar dute hori”. Eskolako gaiek etxean tentsioa sortzen al duten aztertu dezake bakoitzak: “Batzuetan nota kontuak ateratzen direnean gure jarrera aldatzen da, gorpuzkera eta ahots tonua, elkarrizketa gelako intimitatetik sukaldeko mahaira eramaten dugu... Gauza izan beharko genuke gai hau naturaltasunez lantzeko, adibidez salako giro lasaian”. Eskolako arazoak erlatibizatzeko estrategia ere proposatu du Agirrek: “Inguruan bilatzea gure seme edo alabarentzat positiboak diren erreferenteak, eta ibilbide akademiko bikaina egin ez dutenak. Askotan helduok ezkutatzen dugun gure ibilbide akademiko hori ere eurekin partekatzea, ikusteko askoz gauza gehiago dagoela bizitzan ibilbide akademiko horrez gain”.
Behin arazoa bere neurrira ekarrita eta arazoei adarretatik eusteko, oso lagungarria da haurrari gabezia horiek gainditzeko berak badituen baliabideak bilatzen laguntzea: “Arreta ez dugu zailtasunetan jarriko, hauei aurre egiteko haurrak dituen trebetasunetan baizik. Abilezia horietatik abiatuz zailtasunak gainditzeko edo hobetzeko estrategiak aukeratzen ikasiko du”.

Musikari andanak gitarra hartu izan du borroka tresna bezala, gatazka politikoetan arma balitz bezala. Gitarra eta musika bera lorpen politiko eta sozialak eskuratzeko, gizatasunik gabeko mundua eta bera gobernatzen duten agintariei aurre egiteko. Kontu hauek ez dira garai zaharretako kantuak bakarrik. Kantu eta kontuak injustiziari bere lotsak, gezurrak, heriotza-hilketak gaitzesteko sortu dira eta abestu ditugu urterik urte. Estatuen botereak berean segitu du eta beti atera zaizkie injustiziaren kontrako abestiak. Baina politikariek zer eta nola saltzen diguten injustiziaren aurpegia desitxuratua da. Rajoy injustiziaren paradigma bilakatu da; berak, antza, pairatzen duelako injustiziarik latzena bere uste ustelean. Berriki esan du ez dagoela injustizietan injustiziarik handiena orokortzea baino, ez desberdintzea, dena zaku berean sartzea: «Politikan jende asko da ondradua, gehiengoa. Ez dut inoiz onartuko jarrera edo portaerak orokortzea, hori baita dagoen injustiziarik gorena». Estatuen justifikazio bakarra gerrak antolatzea izan da. Gudaz guda injustiziaren esanahiak bere adorea galdu du justiziak banatzen digulako injustiziaren aurpegirik odoltsuena, hiltzaileena. Ikusten ez diren gerretan egunero pilatzen dira milaka heriotza mundu zabalean. Aurreko batean Anoetako harmailetatik egotzi zituzten, Cabacasi egin ziotena esateagatik poliziari. Jare eta Kaotiko taldeak Cabacas gazteari egindako injustiziaz mintzo dira abesti berri banatan. Hilketaren hilotza bero, musikaren doinuak injustiziak argitzen, baina ekintzek garbi azaltzen dute gordintasuna. Justiziaren etxea injustiziaren eraikitzailerik amorratuena da.
(http://gara.naiz.info, 2013ko urtarrilaren 31)

Juan Sebastian Elkano (Getaria, Gipuzkoa, Euskal Herria, 1476 inguruan - Ozeano Barea, 1526ko abuztuaren 4a) esploratzailea eta itsasgizona izan zen. Oso ospetsua da; izan ere, munduari bira osoa eman zion lehenbiziko espedizioan parte hartu zuen, eta azkenengo zatian bera izan zen espedizioko buruzagi. 1519an Sevillatik irtenda, 1522an heldu zen Sanlucar de Barrameda herrira Victoria ontzia. Elkano eta beste 17 marinel baizik ez ziren bizirik itzuli.

Gaztaroa:
Getaria. Gipuzkoa, Euskal Herria.
Gaztetatik bere jaioterria zen Getariako itsasgizonen bizitzara ohitua izanik arrantzale izan zen, gerora Frantziako portuetan zehar merkatal eta estraperluko jardunetan ibili ondoren bere itsasgizon ibilbidea gehiago osatu zuen.
Bere izakera lehiatsu eta abenturazaleaz baliaturik, 1509an Cisneros apezpikuak Arjel erasotzeko antolatu zuen espedizioan parte hartu zuen, era berean Gonzalo Fernández de Córdoba kapitainak Italian zehar zuzenduriko kanpainetan ere egon zen, bertan Euskal Herriko beste gizaseme batzuk ere paper garrantzitsua jokatu zuten, adibidez Pedro Navarro, Olivetoko kondea zena.

Magallanesen espedizioa:
Itzuli ondoren, Elkanok gerraontzi bat atzerritarrei errenditu zienez espainiar legearekin hainbat arazo eta liskar izan zituen, ondorio bezala Sevilla hirira ihes egin zuen, han 33 urterekin Fernão de Magalhães edo Magallanesen espedizioan zihoan eskifaian izen eman zuen. Espedizio honen lehenbiziko helburua Espainia eta garai hartako Sartaldeko Indiak eta Ekialde Urruna lotuko zituen ibilbidea irekitzea zen, honela portugaldarrek erabiltzen ez zuten ibilbide berri bat egitea ere helburu zutelarik.
Espedizio hau 5 ontzi eta 234 gizonez osaturik zegoen, Elkanori Concepción naoan maisu postua suertatu zitzaion.
(http://eu.wikipedia.org/wiki/Elkano)